Vigezo vya Utoaji wa Majina ya Watu katika Jamii ya Wamatengo.

Mbunda, Elvis Regnard (2023) Vigezo vya Utoaji wa Majina ya Watu katika Jamii ya Wamatengo. Masters thesis, The Open University of Tanzania.

PDF - Submitted Version Available under License Creative Commons Attribution. Download (942kB)

Abstract

Utafiti huu ulichunguza vigezo vya utoaji wa majina ya watu katika jamii ya Wamatengo. Utafiti ulikuwa na malengo mahususi matatu; kubainisha vigezo vinavyotumika kutoa majina ya watu katika jamii ya Wamatengo,kufafanua maana za kiishara zinazofumbatwa na majina ya watu na kujadili umuhimu wa maana za majina ya watu katika jamii ya Wamatengo. Utafiti huu ulifanyika katika wilaya ya Mbinga Mkoa wa Ruvuma katika maeneo ya Kihangimahuka, Linda, Lukasrasi na Mahande. Mbinu za usomaji makini, usaili na mahojiano ya vikundi zilitumika katika ukusanyaji wa data ambapo data hizo zilichambuliwa kwa kutumia mkabala wa maelezo. Nadharia ya Semiotikiilitumika katika uchambuzi na uwasilishaji wa data. Matokeo ya utafiti yanaonesha kuwavigezo vinavyotumika kutoa majina ya watu ni pamoja na tabia au sifa, hisia au imani za wazazi, mazingira na matukio yaliyojiri wakati mtoto anazaliwa. Vigezo vingine ni kazi aliyonayo mtu, maumbile au rangi ya mwili, kipindi mtoto alichozaliwa na mahali alipozaliwa mtoto huyo. Pamoja na vigezo hivyo, imani za dini za wazazi na maendeleo ya sayansi na teknolojia kwa kiasi fulani yameanza kuviathiri vigezo Utafiti umebaini kuwa, majina ya watu yamefumbata maana za kiishara ambazo huakisi historia na maisha ya kila siku katika jamii ya Wamatengo. Pia, maana za majina ya watu zina umuhimu mkubwa katika jamii ya Wamatengo kwa sababuhutambulisha, kuendeleza na kuhifadhi utamaduni wa jamii Wamatengo, kuadibu na kuelimisha jamii.

Actions (login required)

View Item